新冠肺炎來勢洶洶，本港爆出第3波疫情，連續10日破百確診，而且擴散速度未止，所以要提大家時刻保持清潔衛生，防疫功夫要做足。大家外出或由工作地點返到屋企，雙手同貼身物品都可能接觸到病菌，職安局教大家要好好清潔同消毒，大家認住開門呢5件事：
1. 入屋前，記謹要先除鞋，鞋底用最少1:99稀釋家用漂白水消毒，如果家庭成員有小朋友或寵物，可選購人畜無害同時有效的消毒藥水，切忌鞋子不要在未消毒時踩入屋。
2. 先洗手，再除口罩；再洗手，用清水加梘液搓手20秒。口罩要摺疊好棄置在有蓋垃圾桶內，然後亦要洗手。
3. 返屋企後要及早沖涼同洗頭、或先更換衣服。更換衣服前唔好坐喺沙發或椅上，出街衣物可使用消毒藥水噴好，然後放進污衣籃。
4. 每天清洗衣服，較厚嘅衣物可用熨斗隔住濕布熨一熨，以高溫殺菌；亦可曬太陽來殺菌，並掛於通風處。
5. 用沾有消毒火酒嘅紙巾清潔手提電話及隨身物品，清潔後同樣要洗手。