新年大掃除，把全屋清潔得乾乾淨淨，而家裡玩具，媽媽平日都一定有定時清洗消毒，外國有位媽媽喺個人Facebook分享，平日每星期都會清洗囡囡嘅毛公仔一次，但最近用咗3樣嘢幫公仔浸洗做深層清潔，結果竟然洗出一大缸污水，佢將秘方公開分享，其他家長都參考佢嘅方法，同樣洗出一整缸又黑又污糟嘅水，結果令人大吃一驚。
佢分享洗公仔嘅配方：硼砂粉、蘇打粉、洗衣液加熱水，將公仔直接浸入水中，然後等待水變成常溫後，再拎到洗衣機清洗，最後放喺室內晾乾或室外曬太陽都可以，雖然過程有點繁瑣，但媽媽見到每次清潔都洗出成缸污水，再麻煩都唔敢唔清洗。
呢啲污水照片一放上網路，大家都唔敢相信自己眼睛，甚至有媽媽表示，一陣返屋企第一時間就係洗公仔，亦有媽媽用呢個配方洗毛巾被，結果同樣洗出一大缸好似拖地水咁污糟嘅污水。
其實早喺疫情初期，台灣胸腔暨重症科醫生黃軒喺網上發表過文章，引述美國醫學專家嘅意見指出，要用熱水洗衫先可以做到殺菌，同時亦有提及可以加入二分之一杯硼砂，加強洗衣液效能同時減少臭味。