唔同地方都有唔同嘅新年習俗，因為文化背景差異，所以發展出獨特嘅新年習慣，其中有幾個國家奇特習俗，大家可以會覺得不可思議或唔吉利，但喺佢哋嘅地方其實係會帶來好運。
羅馬尼亞
羅馬尼亞小鎮Comanesti有個好得意習俗，居民喺新年前穿上人造毛皮做成嘅動物服飾，扮成動物喺街上唱歌跳舞巡遊，用意驅走惡靈好運來臨，而其中最受歡迎就是係扮成棕熊，因為根據基督教傳說，過年時如果有熊經過家門，將會帶來財富、健康和好運。
印度
新年新開始，大家都要開開心心，唔准喊唔准發脾氣。但印度有啲地區，喺元旦早上家家戶戶都哭聲不斷，人人淚流滿面，原因係佢哋認為歲月易逝、人生苦短，所以用大喊嚟迎接新年，係對人生嘅慨嘆，同時亦提醒自己要珍惜時間。
南非
喺南非約翰內斯堡嘅希爾斯伯勒區內，新年期間盛行從窗戶向外扔東西迎新，習俗源自1990年代南非郊區，但由於太多路人遭拋出家具掉傷，所以警方開始取締呢項活動，同時南非醫療部門甚至向居民發放急救包，可以用嚟做緊急包紮。
西班牙
西班牙人會喺新年倒數12秒時，每敲一次鐘聲就食一粒提子，如果喺12秒內放滿12粒，代表未來一年會行好運，每粒提子都有唔同意思，象徵：和諧、歡樂、安寧、發財、和睦、避難、祛病、生意興隆、工作順利、事事如意、愛情、幸福。
丹麥
中國傳統習俗，新年打爛嘢會將好運打碎，但丹麥人喺除夕夜會將屋企唔要嘅廚具用品帶到朋友屋企門口打爛，或者將碎杯收集起來放喺朋友家門口，因為佢哋相信門前有越多碎片，新一年就能擁有更多好運。