今年係櫻桃小丸子動畫30周年，所以小丸子同一班朋友仔喺聖誕節帶大家遊歐洲慶祝，一齊周遊歐式大街小鎮，更可以走到戶外花園叢林影相打卡，與大家開心過聖誕！今次三年四班奇想旅行將會分成三大主題區，包含九大景色讓大家體驗小丸子嘅快樂奇想世界！
小丸子和小玉以時尚法式打扮登場，喺Bilibala 凱旋門前迎接大家，花輪同學出身富裕家庭，家族資產遍布全球，喺歐陸小鎮HeyBaby廣場中央豎立了一座金光閃閃的花輪銅像，花輪著上歐洲紳士套裝氣勢非凡！
而HeyBaby廣場後面就有30周年紀念版4米高巨型音樂盒，今次將會係全球首次將櫻桃小丸子動畫內30個角色人物喺音樂盒上立體登場，除咗大家熟悉嘅小丸子一家、花輪、野口同學，就連英叔、小玉爸爸、佐佐木先生等大家意想不到嘅人物都會出現，絕對為大家帶來全新驚喜！
當小丸子唔開心嘅時候，都會同佢嘅玩具熊傾計，位於歐陸商店街啤啤熊造型玩具店，就擺滿咗小丸子心愛嘅啤啤熊同埋小兔公仔，玩具熊及小兔更首次穿上小丸子服飾，令人通通都想帶回家！在玩具店外，仲有可愛小丸子cosplay 啤啤熊歡迎大家。玩具店背後嘅互動畫廊，大家可以參加小丸子快問快答互動小遊戲，製作一張錄有小丸子聖誕祝福嘅專屬聖誕賀卡！參加者只需要回答 5 條有關櫻桃小丸子動畫的問題就得，若果大家自問是櫻桃小丸子超級粉絲，就千萬不要錯過今次挑戰啦！
櫻桃小丸子動畫 30 周年手稿及懷舊玩具展將會展出30張從未曝光櫻桃小丸子動畫手稿原畫和很多經典的懷舊玩具，更有櫻桃小丸子30年前喺正式播放前嘅測試版動畫播放，喺展覽場館內小丸子一家都會陪伴大家遊覽。
展覽旁邊設有櫻桃小丸子動畫 30 周年期間限定店，將會有超過100款全新產品登場。
遊覽完歐陸小鎮後，大家可走到戶外園林，YOHO MALL 入口隨即可見到高達 3 米的小丸子裝置，穿上牛仔布和草帽的巨型櫻桃小丸子帶同新鮮蔬果歡迎大家來到YOHO Urban Farm，沿途小丸子與好友都換上牛仔田園裝束穿梭於園林及農莊中，與大家歡度一個綠意油油的聖誕。
日期：即日至2021年1月3日
時間：10:00am – 22:00pm
地點：YOHO MALL 形點 I & YOHO MALL 形點 II