農曆新年就快到，大家開始張羅賀年用品，有無諗過自己親手整一系列賀年美食同至親一齊分享？奇華工作坊舉辦新春限定糕點製作課程，跟大師傅一步步學整，肯定變廚神！今年有3個唔同課程，包括用熊貓及金牛3D模具製作嘅「珠姐XO醬臘味蘿蔔糕及雙色椰汁糖年糕」班、造型趣致「賀年湯圓及開心果仁脆糖」班，以及經典傳統「臘味芋頭糕及賀年油角」班。先介紹「珠姐XO醬臘味蘿蔔糕」班，以3D糕製作雙色椰汁糖年糕，無論味道以及賣相同樣吸引，至於珠姐XO醬臘味蘿蔔糕，用瑤柱、頂級金華火腿、蝦米等材料配XO醬，完全提昇蘿蔔糕鮮甜味。完成後可以帶走一個蘿蔔糕、雙色椰汁糖年糕各2底，仲有賀年精品送畀你！
新春佳節又點少得寓意團團圓圓嘅湯圓？今年搞搞新意思教你整色彩悅目琉璃湯圓，仲有有大吉大利桔仔及年年有餘金魚造型湯圓，不單賣相吸引，仲好有氣氛。此外，仲可以親手將花生、開心果等多種果仁製成開心果仁脆糖，同親朋分享甜蜜蜜。
提到賀年糕點，又點可以無臘味芋頭糕及油角呢兩款經典味道？香糯芋頭加入惹味臘腸、蝦米等食材，令人回味無窮。而賀年油角，包入花生、芝麻等，形狀似足填得滿滿嘅錢包，有財源滾滾、金銀滿屋嘅意思，大師傅教你做，親手製作送畀家人、朋友更顯心思。
完成「珠姐XO醬臘味蘿蔔糕及雙色椰汁糖年糕」班後，除咗可帶走親自製作一個珠姐XO醬臘味蘿蔔糕及雙色椰汁糖年糕各2底外，仲有多款精美賀年禮品，包括熊貓、金牛圓形糕模各一個，還有熊貓及金牛立體3D糕模兩個、熊貓金牛A4文件夾一個、賀年熊貓金牛揮春一套 (一套四張)，以及賀年熊貓金牛年糕包裝盒三個。每班人數有限，額滿即止。
查詢熱線：2785 6066