Fans們有福了，全台灣最大間Sanrio主題餐廳「Hello Kitty蘋果村親子餐廳」最近在苗栗開幕，集齊6大人氣角色，包括Hello Kitty、Keroppi、My Melody、玉桂狗、布甸狗以及蛋黃哥，打造超過600平方米親子餐廳，有齊遊樂設施以及大人小朋友都鐘意造型餐點，最適合fans朝聖或父母帶小朋友去放電！
逾600平方米的空間劃分開遊憩區及野餐區，全室冷氣開放，全店都可以見到6位超人氣Sanrio角色，野餐區模仿平日郊外野餐環境，爸媽帶著小朋友席地而坐，圍繞如同大自然般美境用餐。
小孩們盡情放電6大遊樂區，包括「Hello Kitty蝴蝶結之丘」帶來好玩室內攀爬體驗、「My Melody蘋果花園」巨型夢幻蘋果樂園，小朋友可以大玩捉迷藏、「布甸狗野地露營車」設有小農市集小朋友可以練習採購食材。另有專為1歲以下幼童而設的「蛋黃哥太陽蛋浴池」、「玉桂狗軟綿綿隧道」和「Keroppi歡樂雨滴池」，照顧到不同年紀小朋友需要。
美食方面亦非常有心思，不論鹹食或甜品，主菜或小食，統統都可以見到各位可愛角色身影。最受歡迎有Hello Kitty炸雞咖哩飯、懶懶蛋黃哥豬排蛋包飯、布甸狗漢堡；而甜品最搶眼一定係蘋果酥皮千層批、Kitty富士蘋果戚風蛋糕，有得玩又有得食，的確係暑假玩樂好地方。
地址：苗栗縣頭份市中華路1355號1樓
電話：037-590650
營業時間：11:00-20:00（逢周一休息）
交通方法：乘搭101．101A．101B．101C號公車於「建國路口站」下車步行3分鐘
圖片提供：Hello Kitty蘋果村親子餐廳