大家心目中嘅喵星人，係咪眼、面、全身都圓滾滾，毛茸茸好似公仔咁可愛？根據美國CFA標準，貓一共有42個品種，有好多大家未必見過。而人類養貓嘅紀錄可追溯至10,000年前新月沃土地區，至於古埃及人飼養貓則可追溯至3,600年前，今次就要為大家介紹喺19世紀已經出現，但大家好可能未見過嘅東方短毛貓。
東方短毛貓係家貓嘅一種，體重一般4-6.5千克，最大特徵有一雙巨型大耳朵，十足十小魔怪咁可愛，而且四肢修長、骨骼纖細，但肌肉發達身手非常敏捷，平日優雅嘅姿勢好似貴族一樣，所以又叫做暹羅貓。呢種貓起源於泰國，有人認為東方短毛貓係暹羅貓嘅祖先，暹羅貓係東方短毛貓嘅變種。
呢種貓同時喺19世紀一齊被引進英國，但係暹羅貓比較受當地人歡迎，直到1950年東方短毛貓先被外界重視。而繁殖專家將暹羅貓與不同顏色嘅歐洲短毛貓混種，所以後期有朱古力色、白色、藍色嘅東方短毛貓。
1972年CFA認可了東方短毛貓，同時現在更成為稀有品種。東方短毛貓外貌雖然冷酷，其實性格好熱情，同暹羅貓一樣活潑、外向、喜歡交際。同時愛好說話、聲音非常大，而且不喜歡孤獨，好喜歡有同伴或主人陪伴，的確係理想嘅生活伴侶。